Foriño Vermello,
seu fiel escudeiro,
que sabes de Lino?
que é de Rieiro?
Ollade en Arca,
nas terras de O Pino,
ou iría a Vimieiro
a mallar o trigo?
Foriño Vermello
escudeiro fiel,
onde está Lino,
di, que sabes del?
Mirade no Vinte,
pola carballeira;
estará encargando
o polbo á polbeira?
Onde está Lino,
escudeiro fiel,
Foriño Vermello
ti que sabes del?
Buscade nas fontes,
cacheade os camiños;
andará de troula
con Parga e Espiño?
Que sabes de Lino,
Foriño Vermello,
amigo infinito,
amigo selecto?
Berrou Nunca Máis
no fondo do peito!
Librouse dos soños
que o tiñan suxeito.
Foriño Vermello,
amigo perpetuo,
dinos onde está
que queremos velo.
Mirade entre vós,
nos vosos adentros;
aí o teredes
troulando contento
Ceibe, polo vento,
entre nós, alegre,
quedou na memoria
que nunca se perde.
0 comentarios:
Publicar un comentario