Rematadas as votacións, foron proclamados os candidatos
Este ano
corresponde renovar a metade dos membros do Consello Escolar dos
centros docentes sostidos con fondos públicos.
O Consello
Escolar é o órgano colexiado de goberno mediante o que participan
na xestión do centro educativo tódolos sectores da comunidade a
través dos seus representantes. Como os demais órganos de goberno,
ó Consello Escolar correspóndelle velar pola efectiva realización
dos fins da educación, pola mellora da calidade do ensino e pola
configuración dun auténtico ensino galego, con total respecto ós
principios e valores da Constitución española e do Estatuto de
autonomía de Galicia.
O proceso de
renovación estase desenvolvendo con normalidade segundo o calendario
establecido pola Xunta Electoral que foi constituída para garantir
todo o proceso.
Nesta
ocasión, a xornada de votación dos representantes do alumnado, das
nais e pais, e do profesorado tivo lugar o pasado 27 de novembro.
Rematado o horario de votación, as tres mesas electorais realizaron
os respectivos escrutinios e levantaron acta dos resultados das
votacións.
Dos 111
escolares matriculados na ESO que constitúen o censo de electores
deste sector, exerceron o seu dereito a voto 85 alumnas e alumnos, o
que supón unha participación do 77% dos censados, que elixiron como
seus representantes a Laura Zas Vaamonde, Felipe Juan González
Fernández e Nicolás Sánchez Maseda.
O censo do
sector de nais e pais e titores está composto polas 461 persoas que
teñen ao seu cargo algún escolar matriculado no centro e, destes,
emitiu o seu voto o 13% pois votaron 59 persoas. Neste caso
produciuse un empate a votos entre as dúas candidaturas máis
votadas: Marta María castro Lamas e María Cruz Mirás Picón, que
finalmente é a elixida por posuír maior antigüidade no centro.
O sector do
profesorado, integrado por 41 docentes, elixiu os seus representantes
en sesión de Claustro extraordinario na que participaron 34
electores, o 83 % do total. Resultaron elixidos para representar ao
Claustro no Consello Escolar durante catro anos María José Tobar
Quintanar, Serafín Barreiros Formoso e María Eulalia Simal Iglesias.
Margarita Garrido Campos, a cuarta candidatura en número de votos,
cobre a baixa de Jesús Mª López Gromaz e cesará na próxima
renovación parcial.
Finalmente,
este proceso electoral rematará coa constitución do novo Consello
Escolar que está prevista para vindeiro 4 de decembro.
0 comentarios:
Publicar un comentario